أروا يا السامع وقرا
وفهم معاني الهضرا
قالو البحر يدي عوامو
والعاود إحبسو لجامو
والزمان يرشي بيامو
والقلب يتشغل بغرامو
واللي جيبو خاوي وبزطامو
يفرش لسانو وحلي كلامو
الدنيا قفال منوعة وعديدة
عاصية ومصدية وعنيدة
سوارتها الكلمة السعيدة
واللطافة لحلوة بالقاعدة
البسمة الموردة لفريدة
والحكمة المفندة بالفائدة
لا تراقب الناس لا تتعجب
فرق بين النحاس والذهب
اللي زرب يتعثر ويتكركب
يتلف ومشي عليه الركب
اللي ما جمع فصغرو أولم
فكبرو يقاسي الهم والغم
واللي ما صان سرو وكتم
إعيش حياتو سالم ومسلم
واللي فضح سور وتكلم
ما يلقى فحياتو باش يحلم
اللي شمتك عطاك درس وعلمك
جمع راسك وجيبك وسد فمك
تيق ف مولاك العالي اللي خلقك
طيعو يبرك ويرضيك وريحمك
بقلم.
محمد السوارتي اﻹدريسي
زجلية 👑 أروا يا السامع 👑 للشاعر الزجال المبدع ذ . محمد السوارتي
ردحذفhttps://majarrat.blogspot.com/2020/06/blog-post_8.html