زجل
~~
مْزِّينَكْ يا بْلادي
~~~~~~~~
زيـــنَكْ يابْـــلادي مـــابْحالو زيــــنْ
نَـــخْوَة وْتـــاريخْ عَـــزْ مَــرْشــــومْ
ؤْمْـــجادَكْ مْـــزَهْــــزْهَة مَــنْ زْمانْ
أَرضْ الْـــجودْ فِـــيَّـــاضَة خِـــيـــرْ
كُـــلْ مَـــنْ زارَكْ يَـــتْوَلَّعْ بَـــبْهـــاكْ
بْـــلادْ الأَوْلِـــيـــاءْ زُهَّـــادْ فُــرْسانْ
مْـــزِّينَكْ يابْـــلادي ڭَـــمْرَة مْـنَوْرَة
مْـــضَوْيَـة فْ الَــــعْـــلالي المَـــنَّانْ
عْـــروسَة مْـــحَنْيَة بــــينْ الشَّطْآنْ
صْـــفَا تـــيهالَكْ يْــــتَضْرَبْ بْأَمْثَالْ
خَــــيْمَـــةْ الشَّـــرْفا دَاڭَّـــا الْأوْتـادْ
كـْلْ مَـــنْ عَـــاداكْ عْـــدُو جَــــبانْ
مَـــنْبَعْ شَـــلَّالَكْ جْـــــبالْ الأَطْلَسْ
فــيكْ تَــــغْرَسْتْ مَـنْ عَشْقْ تْرابَكْ
مْـــــزِّينَكْ يابْلادي ياقُوتَة البَلْدانْ
يــــــا ديـكْ الـــــوَرْدَة مْنَدْيَة زينْ
سُبحانْ لِّي بـْــــدَعْ صُنْعَكْ بْإِتْقانْ
عَــــــطْرَكْ فـــــايَحْ بينْ الأَغْصانْ
بْــــــهاكْ مَـــــزْروعْ فِــــيا رْضاعْ
غَــــــرْسْ مَــــــنْ أَصْــــلْ مْجَدَّرْ
مَــــــنْ هْــواكْ عَــــنَّڭْتْ الفْدادَنْ
تَــــــرْشَڭْ فِــيا عَــــشْقْ مْـحَبْتَكْ
الــــــسَّاكْنَة فْ الْــــڭَلْبْ مْــــعَزَّة
شـَـــــلَّالْ فْ عْـــروقي ويــــدانْ
حُـــسْنْ مَــــسْرارَكْ دَوَّخْ الهَضْرَة
ؤُنَــــــشَّفْ مْـــــدادْ النْضامْ وْزانْ
إيهْ يالسَّاكْنَة لَـــــمْفَيْقا السْواكَنْ
مْــــــزِّينَكْ يابْلادي تـــــاجْ الفَخْرْ
كُــــــلْ مَـنْ زارَكْ عْـــــشَقْ صْفاكْ
يــازينَة الـــنَّضْرَة بْـجَمالَكْ الْفَتَّانْ
مَزِّينَكْ بْلادي الْمَغْرِبْ هَمَّة وْشانْ
مَزِّينَكْ بْلادي الْمَغْرِبْ هَمَّة وْشانْ
بقلم ذ. محمد حديش
~~~~~~~~~~~
2023\11\18
