فينك يا ليام الزينة
مصاب ترجعي لينا
تفرح لقلوب لحزينة
أوتمشي عنا لغبينة
تتحرك بنا السفينة
وتوصلنا فين بغينا
فينك يا ليام الزينة
نحكيو ليك ما جرا
المسكين ضاع بالقهرا
والفقير اتردم بالحسرا
الحق طمسوه بالهضرا
والباطل زينوه بالنظرا
الميزان تلفو صروفو
كلا مشغول ب ضروفو
الجهل معرم بصفوفو
بين الناس نبت صوفو
والكتاب غمال فرفوفو
ماتلا حد إمسو ويشوفو
فينك ياليام الزينة
مصاب ترجعي لينا
الخوا فقدات لمحبة
تباعدوا الأهل والقربة
ومشات جورت العتبة
كل واحد قاني النشبة
يتسنى غير الوجبة
إيمتا يعطي الضربة
فينك أليام الزينة
مصاب ترجعي لينا
أيام لمحبة الصادقا
كلمت الحق فيها ناطقا
الناس للخير سابقا
بالدين والصلاة واثقا
قلوبها بالمحنة خافقا
سالمة امسلمة شافقا
فينك يا ليام الزينة
إمتا...إمتا ترجعي لينا
بقلم.
محمد السوارتي الادريسي
😊
زجلية & فينك يا ليام & للشاعر الزجال المبدع ذ . محمد السوارتي
ردحذفhttps://majarrat.blogspot.com/2020/07/blog-post_14.html