7

راني  نزمم   و نكتب 

نوصف ماشي  نسب

وخا راك تستاهل السب

لكن  تبرى منا خير الصحب

العدنان  نبينا  وصانا نتجنب 

اللعن والقدح والنفاق والكذب 

وخا انت ماخليتي يالعجب 

مادرتي في خوتك العرب

حتى القدس سلمتيها للغرب

وجاي تحاسب  تلوم  وتعتب  

ومني  مقلق تتأفف  وتغضب 

أنا نحكي ضمير صاحي معذب 

بعميلك وفضيحك في العرب 

دعيناك للواحد وحدو ...للرب

انا ماني لعان ولا شتام  ؛  مأدب 

 ولد الحسب والعز  والنسب 

وانت من ورى  ظهري تلعب 

تبيع وتشري  في العرب

تشتت وتدمر و تخرب 

انا كلامي موزون دهب 

وتنكر حقي على ارضي 

بلا ماتعيي راسك وتتعب 

انا نزلزل ونبرق ونرعب

يموت شرع الهاجم الغاصب 

حقي ندافع على امتي ونكتب

بالشعر والنثر والمعاني نضرب

نعريك ومن قاع خوابيك نجبد 

من زمان وانا صابر عليك وانت تحلب 

ضرع خوتك ودمهم وكحتيه  وتصلب.

الدم  اصبح ماء  واهي  العرب

والصهيوني  صبح ساكن معانا في الدرب.

وترامب مرشح لنوبل  للسلام  واهي العرب 

والمقاومة  شيطنتوها بالمذهب  والكذب 

لا تظن  باللي غافل عليك وانت  تلعب 

 

راني  بدوايتي وريشتي في السلم نكتب 

الغزل والعشق وكل معاني الحب

وملي  نشوفك تقيس الأرض والعرض.

نعمر  يراعتي من  سمخ العز وبيها ندخل للحرب.

نباغتك ونوريك راني ديما متأهب

ماننسى ؛ ولا ريح الهوى تديني ؛و لي تسلب 

بالكلمة الحرة على الكناش؛ ريشتي تحير و تجدب .

بلا معيار  بلا قدح  بلا  سب 

راك شمتي راسك؛  وصرت للغرب 

بوق متقوب . وخليتي البراني ينهب

خيرات الامة ؛ويهجر  اصحاب الأرض ويغرب..

زادي دوايتي ؛ والقلم وعنايتي؛.... فحرفي ملي  يكتب .

يقصف بالكلام  الحي ؛ وخا راك مات لك القلب.

لمهاجي زهرة

المملكة المغربية