كلشي تبدل.
أنت شايف......... بلا ما نوريك
كلشي..............يغش و يخدع
الدجاجه ............ ولات ديك
والنعجه ............ ولات سبع
الغنم تاقت.......... ف الراعي
قالت ........... منو ما نخاف
تخير .......... الثني والرباعي
دار فيهم................... بولفاف
الصاحب ف الحزا... يتصاب
والشماته ..........يسمح فيك
شحال تحسبهم ....... حباب
ف الحصله ..... يفرطو فيك
ضنيتهم .....صحاب وعشره
لْوُدهُم..................... انا صاين
حنوُشَ ..... يبدلو ف القشره
وحسن منهم ......... الصهاين
الورد ................... ما يدبل
إلى لْقى.............. لّلٍي يسقيه
والواد ..................إلى حمل
للّي ف طريقو ............ يدّيه
كاين للِّي فراقو..............يبكيك
يزيدك هم ................ وتنكاد
وكاين للي بعادو............ يهنيك
تمناه يطول ........... ف البعاد
لبحر .......... قيمتو ف َّما جو
وماه مالح ............... ويشفي
والمنجل سرو......... ف عواجو
وشلّى حكايم.................. يخفي
والضحكه ......... تبان مبشوره
ولقلب................... يخفي لحقاد
هدي عاده..................... مشهوره
و فكل زمان....................... تعاد
حمد ربك ..............عليه توكل
راه بحوالك......................... عالم
حكَامُو........................... ما تعطل
ونت.................. بجهد الله سالم
الأستاذ : عبد الرحيم الناضي
زجلية ⚠ كلشي تبدل ⚠ للشاعر الزجال ذ . عبد الرحيم الناضي
ردحذفhttps://majarrat.blogspot.com/2020/09/blog-post_37.html