الوسواس..
حسبتك مني...
فيك خويا.
فيك بويا.
اتسخن كتافي..
من برد الليالي..
واترني غير كنحلم
وزايدة في اهبالي..
غمضت عيني
لگيتني هازة
گفة عامرة هم
فوگ راسي...
لمن نحكي و َعلي
من نشكي..
طال ليلي و
تزعزع نعاسي..
داخت بيا الدنيا
ما عرفت أشنو
نعمل ولا كيفاش
لهمي نداري..
گلبي اعمر
راااه كيقاسي...
لله نصحوني نخرج
من وسواسي...
بلا ما نشعر
لگيت رجلي
في البحر
نحكي ونعاود
ليه ما جرااالي...
گلت يمكن
يسمعني
ويشوف من حالي...
هاجت عليا أمواجو
خبطتني حتى
تقرقبو اضراسي...
لله يا خوووتي
نصحوني...
گولو ليا كيفاش
نلبس گياسي...
كيفاش نشرب
من غراف
ما مگجگج عليه
ذباان
ويكون ماه صافي..
هااد الشي كثر
هد ليا ساسي..
بحهدو قجني
حتى تخنقو انفاسي..
يمكن بوغطاط
يمكن كابوس
أعوذ بالله
من الوسواس الخناسي...
فاطمة خلخال
ليست هناك تعليقات:
إرسال تعليق