{{{احساس شاعر}}}
الشاعر اذا بيحكي عن الاحساس
بتسمع انين الروح عالورقة
بيرسم صور يشرح هموم الناس
بيسرق فرح من هالدني سرقة
حلوي حروفو و عالوزن تنقاس
تواسي حبيب بيشتكي الفرقة
بيروي الضما لما بيعبي الكاس
بيطفي لهيب قلوب محترقة
الله عطاه الموهبي والفكر
بيكتب فرح بيلون الصورة
والحزن لما بيوصفو بالشعر
بتزل دموع الناس مقهورة
متل النحل بيحوم بين الزهر
ولكل زهرة حالف يزوره
مرة بيكتب عن جمال السمر
ومرة بيصيروا الشقر اسطورة
حب وغزل وابيات متل السحر
بيرسم صور والريشة مسحورة
{{{تراتيل غادة جودية}}}
ليست هناك تعليقات:
إرسال تعليق