بسم الله الرحمن الرحيم
المعزى تنطح الجبل
إيخافو ما يحشمو
كُلها مْدَخَّلْ خشمو
ويخططو ويرسمو
بغاو لبلادنا يقسمو
الدم بالْكُرهْ مخلط
الويل عليهم مسلط
العقل مجلج مبلط
الفكر مشلول محنط
لاش لحسد ولحقاد
كَرَّهْتُو فيكم لعباد
وُ فاض عليكم لواد
وصباحكم زاد سواد
ما عندكم شغل غير حنا
درنا لكم غصه ومحنا
ونهار منكم رتحنا
شوفو فين صبحنا
شحال من بير حفرتو لينا
ضحكنا عليكم وتحدينا
درنا فيكم شرع إيدينا
خدينا حقنا ما تعدينا
نقولها ولقلب حزين
خوتنا ف لْملاَّ والدين
يغرزو ف ضلوعنا سكين
من بكْري وفكل حين
عطيناهم سلاح ورجال
صيفطنا حوايج ومال
عمرو من خيرنا سلال
وطلعو ف الاصل قلال
شحال هزينا ورارينا
عاوناهم باش قدينا
وكلشي ليهم عطينا
حتى القمح وفارينا
حَلْفُو وُ بالأخوه وَعْوُدو
جاو لبلادنا ُوسعدو
فرحنا بيهم وُ قَعْدو
وُ دَبَا يحسبونا عْدُو
فيهم ْلكدوب ولْحزارا
حاربنا على ُودْهُمْ النصارى
ورجعات علينا ب لخسارا
فيهم ْلغل قوم مشرارا
سولو لَلاَّ مَغْنِيه
تكًَُولها ليكم محكيه
معركة إسلي المنسيه
السبع خانتو لحميه
يَاكْ تَمَّاكْ خنتُونا
بجوج صولدي بعتونا
والله ما بقيتو تهمونا
غير بْ هْبَالكم ضَحكُونا
فَتْشُو التاريخ وُلمْصادر
سولو أميركم عبد القادر
كُلشي مْقَيَّد ب لمْحَابر
فيكم المنافق وُللِّي غادر
اش داك لْبْلَاد السبع
نتَا من فَصِيلَة الضبع
بغيتي الشوك فيها تزرع
راك درِّي باقي تَرْضَع
دخل أوليدي لغارك
لعب حدى باب دارك
عض من الفقسه ضفارك
راه غادي يِكْحَالْ نهارك
الاستاذ : عبد الرحيم ناضي
معاهدة للا مغنية :
فرضتها فرنسا على المغرب بعد معركة إسلي. لأنه كان يساعد الجزائر . كانت الشروط مجحفة وقاسية
ليست هناك تعليقات:
إرسال تعليق