لميمة .
........
اتعيش لك لميمة * اتوسد الركبة
راك غالي و احبيب * غير هز الركبة "g"
اتموت لك لميمة * اتوسد العتبة
راك محسوب اربيب* فيك ريحت حلبة
فيك اعقود العيب * تخرج بالزربة
يتيم ف اعمر لزهار* امشرد و محتار
لاحتو امرات اباه * البو ما جايب اخبار
ناعس ف الرصيف * مع الخوف والرهبة
والليل و لكلاب * و السيبة كلبة
اوليد ناعس مكواه" g" * املحف بالغربة
فاين لمحبة ؟!!! * و انعاس الركبة
ويدين تتسارى * شحال زينة رطبة
الأم ريحت النوار * وسط اربيع اخضار
الأم نغمت لوتار * الأم قرت لنظار
الأم عمارت الدار * بلا بيها خربة
الأم فم بلا عار * العشرة و الصحبة
محلاها نعسة !!! * ف شونها تتخبى
و معاها ترتاح * ما تضرب حسبة .
÷÷ ÷÷ ÷÷ ÷÷
بقلم : عبدالرحمن ذكي .
ليست هناك تعليقات:
إرسال تعليق