تنييشات
حسبني لوحة فارغة...
رسم لي بغيتي فيا ...
عبر وزيد عبر...
رسم فرحك رسم قرحك
رسم لحسد لي فيك
رسم حقدك
خربق نتا گااع
وخلي الباقي عليا.......
حسبني
كاس گاسي
كاس جامد لا تشربنيش
حسبني
ناسي راسي
مغيب لا تفايقنيش
حسبني خوك
كي حاسبك أنا
لا تحطني فيدك ماگانا
تلبسني وقت....
لي گالتها ليك الگانة
******
حسبني شجرة
حسكني من الجدر
خرج مني كرسي
زيد تا گنبر
رتاح...ودندن
يا ليلي... يا عين
زيد غني وتبندر
ولا عرفتي ...
جيب مبيخرة
حرگني وبيا تبخر....
راني دوا للحگرة
تخطاني
ملي تجعر
رشيد حياط .....
ليست هناك تعليقات:
إرسال تعليق