.... بوخنشوش صحيح .....
عبو أو الريح .. خنشوشو صحيح
مخبي راس المال .. أو داخل للسوق بمتقال
أو مخلط الورد بالشيح
قليل الترابي .. عاطيها لقرنابي
أو قاليك عندو الزين .. عندو لمليح
بالمهيوف .. ميزانو بلا صروف
ما بغ بعثر .. ما بغ يطيح
داير لعب الدراري .. أو بايع أو شاري
ما موثق كتاب .. ما مصرح بتصريح
عندو الزهر .. كيهرس لحجر
حياتو قصارة بالشطيح أو الرديح
بوخنشوش صحيح
ما عمرو كان صريح
لأن نهايتو قربات ..
حيث بانت شلا علامات
ولي بنى بلا ركايز
لازم يجي يوم ويطيح .
( الحساني عبد العزيز )
ليست هناك تعليقات:
إرسال تعليق