...... حرب لكلام ......
حرب لكلام
حرب مسمومة
تنصف الظالم
أو تلوح ع المظلوم اللومة
حرب كلام زيادة ف لعبار
شحال هدمات من اوكار
أو خلات بيوت مردومة
حرب لكلام كذوب فكذوب
الصدق فيه مسلوب
أو تخلي لعقول مصضومة
حرب لكلام
كي البرمة بلا روام
بالما أو الزغاريت مقيومة
حرب لكلام ترد لخروف عجل
أو تخلي الثور لفحل يهزل
أوجميع لعقول فيها ملغومة
حرب لكلام كلام فكلام
ما تسلم ما ترد سلام
أو الخاوية تردها معلومة
حرب لكلام حرب مدسوسة
عظام داخلاها سوسة
أو كلمتها غامضة ما مفهموة
أو لا بد يجي يوم من ليام
أو تخسر فيه حرب لكلام
لأن كلام الحق
مالو سومة .
...... عبد العزيز الحساني ......
ليست هناك تعليقات:
إرسال تعليق