,,,,,,,,, الخبز الكارم ,,,,,,,,,,
الخبز الكارم
دار بسلوم أو دار بسلالم
خربة خاوية أو فيها الناموس
أو ساكنها ............. ظالم
خبز كارم ....... أو مسوس
أو كتاب خاوي فيد عالم
خبز ميَدم بسم مدسوس
حق بعرام أو حق بعرارم
ظلمة هنا أو لهيه فانوس
أو محبة القلب أو محبة الشلاقم
عراسية بلا .......... عروس
أو عريس على حياتو ناذم
المحضي حاضي أو الحاضي محروس
أو اللقمة ......... خبز كارم
عرق لكتاف ..... أو عرق سوس
أو كف احرش ..... أو كف ناعم
قلب حاس ..... أو قلب محسوس
أو مول لغرام ........ فغرامو هايم
ولي دار راسو فوسط الريوس
إلى صامو يصبح صايم
ويدير بحال مرات المنحوس
حتى قفال ........... ما لقاتو رايم
نهار أو ما طال فالريوس تبوس
أو فالليل عشاها خبز كارم
,,,,,, عبد العزيز الحساني ,,,,,,
ليست هناك تعليقات:
إرسال تعليق