**يا التايق**
يا التايق ف الزمان
يسحاب ليك حاكم يامو
يحدر لك الضهر يوهمك خيال
يجمح بيك و يقطع لجامو
ياالتايق ف الزمان
تدرع في مواج حلامو
يغرك ببحور الصحة والمال
شحال غرق من عوامو
ياالتايق ف الزمان
ما كال انشاء الله ف كلامو
على غدا بقى عوال
نعس مافاق من منامو
ياالتايق ف الزمان
ينسيك لموت يواعدك بدوامو
لا حال يبقى على حال
سول لقبر يجاوبوك عضامو.
يوسف بايو
ليست هناك تعليقات:
إرسال تعليق