الدرويش ...
قلب الدرويش هشيش
باغي غير يعيش
يفرح او ما يبكيش ...
يخدم بعرق كتافو
او ما يديش .
يفرش الحلفة
ويسد عليه الدفة
او ما يهموش لغطى بالريش ...
او وقت الحزة
يوقف او ما يمشيش .
طوبة بطوبة يبني
واخ عمرو يفني
او ما يحبش حياة الطيش ...
عايش فالزنقة
او واكل الدقة
او صابر او ما يديش ...
عاطي خيرو لغيروا
او ف ضميرو
ما يبيع او ما يشريش ...
واخ ف حياتو تمحن
عارف بلي أخرتها كفن
او باغي مسكين غير يعيش ...
( الحساني )
ليست هناك تعليقات:
إرسال تعليق