انا جيت
  بالفرحة
          جيتكم ثاني....

عماني الوحش
لميت حروفي
وجيت
        نفكركم بعنواني....

ضاقت الربگة
   طالت لغيبة
وتوحشت الترگيبة
راه  لي فيا
    من  الوحش ماهناني....

جيت نفاگدكم
ونسقسي لا يكون
    شي احد فيكم نساني...

حديثكم فرحة
شمعة تضوي
         مراحي و صطواني...

م شوگ لملاگية
 سوكت للكلام
وعومت حروفي
           ودرت ليهم لحناني...

تنضر حننتهم
 قصيدة منقوشة
 بشلا مثول
                    وشلا معاني....

لابسة قوافي
 مرگومة بالهممة
      رگيم سفيفة قفطاني...

قفطاني
قوامو بلدي
 اصيلي حر
       ماعمرو كان  براني....

 هاني جيتكم هاني
بمشموم الورد  هدية
        بيكم عززي وشاني..

بيكم تدفا لخاطر
 يتساوى الميزان
     وتعزف ماية ديواني.....

سميرة اشويميج...