آه من الحليوه الاسمراني
أبو سمره لاقيه جماله وسكنه
وجداني
يوماتي ف العصاري استنى
دقة خطوته اجري ع المشربية
وأتسمر مكاني
أشوفه ملاك بيعدي أملي عيني
وقلبي وأتمنى يرجع م تاني
الأهه بقولها تصهر الصخر
ويا ريته حاسس بيا ولا حاسس
بحرماني
من حيرتي وتعذيبي ما بفارق
المشربية يمكن يقرب خطوته
وأشوف نفسي وعنواني
طال الصبر وطال الشوق
وقلبي وخدني إليه ما هو
حلمي اللي صباني
بصيت ف المرايا لاقيت
مني وش تاني
وش حزين دمعه يملا
بحور عيني وكياني
جريت ع المشربية وقلت
مش ها ستخبى وراك
كفاني
العمر راح يهرب مني
وخوفي ع الحليوه ليروح
وما يرجع تاني...... وعجبي
&&&&&&&&&
يحيى نفادي سيد
زجلية . 💮 المشربية 💮 للشاعر الزجال المبدع ذ . يحيى نفادي السيد
ردحذفhttps://majarrat.blogspot.com/2020/07/blog-post_11.html