بسم الله الرحمن الرحيم
بلادي
بسم الله .................... تفتح كل سدَّه
بوصْفكْ.......................... يا لَلَّا الغاليه نبْدَا
وحلِّيِتْ كلامي............. ب لعسل والزبده
يَا للِّي ف ْبهاك يا الزينه ...طاحت رْوَاحْ
وتْرابك............. مسقيه ب مسك وافراح
يا للِّي ف نقاك ورضاك ما قدوني لواح
نتِ الشامخه العَاليَه.................. ف سْمَاكْ
نتِ الوَرْدَه ................ الفريده ف صْفاكْ
شوف ربي......................... صانك وحضاك
الله ....على حجْركْ الدافي
الله .....على حبك الشافي
وُ فْو صْفك .. تعجز قوافي
يا بلاد...... الخير والتيسير
والضحكه .....والقلب لكبير
يا ارض ....الامان والتنوير
حنا معاك ........ غير تْهنَّايْ
فتاخري بينا .........وتْعَنَّايْ
حْنَا السْبُوعَه ..وُ بينا تْكَنَّاي
انتِ يا بلادي ........... جنه
ها التمر ها لحليب ها الحنه
ها الساقية ها لخير ها لْبنَّهْ
شحال ك نبغيك ..يا بلادي
نْعَلِّي شَانكْ .... ف كل نادي
وموتو بالسم...... يا حسَّادي
عبد الرحيم الناضي
ليست هناك تعليقات:
إرسال تعليق