زجلية & البوهالي & للشاعر الزجال المبدع ذ . عبد العزيز الحساني .

 

.. البوهالي ..

البوهالي من بلاد لبلاد دايع ..

ما عندو لا حرفةلا سبع صنايع .

كلامو مع راسو ..

قليل نعاسو ..

عايش حياتو ضايع .

شلا لوان فلباسو ..

حامل زادو على قياسو ..

أو ما حاسب سوايع .

حاكم لسانو بتخراسو ..

ما يهمو القالب أو تهراسو ..

ما شاري ما بايع .

ما يهمو لا حيط لا ساسو ..

ولا دوار بناسو ..

وحداني بلا ربايع .

عايش عالمو ب وسواسو ..

بالصبر معمر كاسو ..

ل لي خلقو طايع .

هذا حال البوهالي ..

لي عايش حياتو دايع .

        ( الحساني عبد العزيز )