* عام واش من عام.......
_ هاذ العام عام الجفاف و لبحوط.
_ ما عرفنا المرضي من المسخوط.
_ كلشي تقادا ليه الزفوط.
_ الفلاح رزقو في بلادو محطوط.
_ ما بقى لا مزير و لا بوط.
_ زادها ليصانص و المازوط.
_ تقهر الغاني و المزلوط.
_ كلهم تغلبوا و خرجوا كبوط.
_ و المصيبة الفلاح ما بقات ليه كسيبة.
_ غلى العلف و التبن خوات ليه الزريبة.
_ ما نفعو لا طبيب و لا طبيبة.
_ لي عندو درباتو ليه الجيحة.
_ الفلاَّحة كلهم عياو بالراحة.
_ عطيوهم الماء لا بغيتوا الصراحة.
_ بلادهم بقات عطشانة.
_ كرم زرع ، زيتون و جلبانة.
_ المسؤولين عاطينها غير للجميع.
_ و الفلاح مسكين غادي غير بالدفيع.
_ بحال هاذ العام ما شفنا بحالو.
_ رزق الفلاح على لي خلقنا و خلقو.
_ نتمناو العام الماجي يكون مليح.
_ كلشي قهرو الشيح و الريح.
# كلمات المصطفى سيداد #
ليست هناك تعليقات:
إرسال تعليق