ذاك الظهر ...
ذاك الظهر ...
جرا وجارا....حمل ورارا
خدم سرير وشكارة
ليا وليك
كبر بنات وعزارا
مرة زعلولة ومرة سيارة
كرويلة ولا طيارة
باش تاشي ما يبكيك
ذاك الظهر المظلوم...يشبعك ويصوم
يقادك وهو مقسوم.....وعمرو ليك مايلوم
غير تا حاجة ما تآديك
ذاك الظهر الحنان....لي خلاك.تكون..
وزير طبيب ولاربان...قاضي عامل ولا فنان
وعلمك تقدي باشما كان
بحياتو مستاعد يفديك
من داك الظهر طلب السماحة
بغيلو الخير وعاونو على الراحة
قدما عطيتيه ماترد لو وزن تفاحة
من لي فنا على ودك باش يرضيك
إييه داك الظهر باقي فالكرش
ولا خرجتي ....
صغير ولا كبرتي....
فرادي ولا تزوجتي ....
ضعيف ولا تقويتي ....
فقير ولا تغنيتي ...
كيفما كنتي يبغيك
رشيد حياط ......27/06/2022
ليست هناك تعليقات:
إرسال تعليق