هوما لي بغاو .....
جربت نكون طير
ننشر جناحي نسبح فالعلالي
صابتني نبلة من عين الغير
رجعتني لهبالي
جربت نكون شجرة جنب البير
يرتاح الغاشي بالظل ديالي
گلعتني عتلة بكثرة لحفير
بحجة الما قريب يسالي
درت براسي مازال صغير
خرجت نجري بحال شي بوهالي
بززو عليا نشطح على زديح البندير
سلاوها بتقرقيب السطالي
تحولت لجغماط ندي مال الغير
حطوني فمقام عالي
واكل شارب عاطيها للتبندير
قررت نكمل وشكون بحالي
رشيد حياط......18/04/2023
ليست هناك تعليقات:
إرسال تعليق