ما تقيش ولدي...
اقريتها ملي كنت اسنان لحليب
وانا اصغير ما نعرف امعاني
ما تقيش ولدي
غوتة من كبدة خايفة من الذيب
اعلى اولادها وتعدادها بكاني
ما تقيش ولدي
كنتي اصغير ولا كبة من الشيب
خليك مسلم لا تولي نصراني
ما تقيش ولدي
ياك انت إنسان وعقلك البيب
ماشي ابهيمة طبعها زهواني
ما تقيش ولدي
سير تداوا وشوف ليك اطبيب
وقول الله يرحم اللي وراني
ما تقيش ولدي
هذ المرض ادخل اعلينا اغريب
الله يحد الباس ويحمي أوطاني
ما تقيش ولدي
غير اعليا ونغير اعليك الحبيب
ونحميو اولادنا من شيطانك وشيطاني....
محمد طيطيشي. ناسك الرقراق
ليست هناك تعليقات:
إرسال تعليق