زجلية & ليام & للشاعر الزجال المبدع ذ . يوسف بايو .

 

**ليام**

ليام...آ..ليام

لاهيتيني...

بسوايع..نصها 

نهار..

ونصها ظلام

و تقلتي ضهري

بسنين زربانة

وعوام*

ياك ..

ياك غير البارح

و انا نلعب 

ف الزنقة فرحان 

نتلقى لمي

ناكل من القفة

و نتركن ف الركنة

نهز لكتاب

ملي نسمع أبا..

حل الدفة

يتقطع لغا ولكلام*

ياك..

ياك غير البارح

ملي القلب ولى

يعرف اشنو الزين

ندخل نطل على لمرايا

نخرج نطل عل  لمريا

لمشطة 

ديما معايا..

نعمر راس الدرب

نتسناها تدوز

من حدايا

تكفي شوفة حشمانة

تبسيمة مخفية

تنوب على سلام*

 واليوم...

اليوم قلت نشوف

ف المرايا

ماشي هداك لكنت نعرف

ولا لكان معايا

نسيت الضحكة 

مشات الرفقة

و تدهيت مع علتي

و دوايا...

شلا صحاب..

وحباب

سكنوا التراب

ولا بدلو لعتاب

لبارح كان لبارح

وليوم ولى ليوم

محال الدوام*.

يوسف بايو