الساكني
الساكني شعلة مجهدة
ما خارجة من شمس ولا من شمعة
عطفات تحولو لعفطات
ما دايرة حس ومهبطة الدمعة
نقطة كحلة فدات بيضة حلييييب
تعكس لونها فليلة صگعة
ظلمة بنهار تسابقني
وبالليل تتصرف لحلمة قرعة
الساكني
خارج مني حروف
تبيني ملهوف وبفعايلها خضرة
خانقني معمر الجوف
كي شغل تشابيك غصان شجرة مع شجرة
عازلني والخوف كل الخوف
يلقى لي تناسبو فيا من حضرة
يحشمني يخرج عريان بلا صوف
فسيفة شدرة شبعانة هضرة
رشيد حياط ......05/05/2023
ليست هناك تعليقات:
إرسال تعليق