مهيبلة...
مهيبلة أو ضاربة الدنيا بركلة
أو ما كتفرق بين الشجرة أو النخلة
عايشة بعيدة على شبوق الناس
ما ناقصها صداع ولا تهراس
كتبان ليها الدنيا كولها حدورة
أو جميع الناس كتصلي على هيدورة
كتمشي نيشان أو تجي نيشان
أو كتميز لحمر ما بين الألوان
كتسمع لخبار بنهار أو كالتيق
أو كل من سلم عليها تحسبو صديق
مهيبلة أو حاسبة كولشي بحال بحال
أو ما يهمها كلام الريكلام بشحال
لي عطاها شي تقول الله يخلف
ولي ما عطاش بلاش بلاما يحلف
الدنيا عندها نزاهة أو دوارة
أو الفاهم يفهم غير بإشارة
أو كل مكحلة خاصها عمارة
أو لحليب الصافي محمي بفرارة
أو كل حلقة براوي خاصها گارة
أو لكلام الموزون يخلي إمارة
مهيبلة أو ما عندها مع كذوب
قدرها أو ما عندها منو هروب
ما تعرف لا كتوبة ولا سبوب
هيا هاكذا مهيبلة
أو هكذا قصتها اتروات
فألف ليلة أو ليلة.
....... (عبد العزيز الحساني) .......
ليست هناك تعليقات:
إرسال تعليق