**طْلًبْ آشْ تْسًالْ**
طلب....
آش تسال
واش...كلمة زينة
كانت ما شي من القلب
قسح..من
لمقال
ولا..
سويعة زوينة
ندمتي علاش دوزتيها
بريكة ضنيتك بها عشير
وانت على لهجر
عوال
ولا...
شوفة شفتيها
و تنهيدة تنهدتيها
انت حدايا
ؤ عقلك الغايب
محال
ولا...
تبسيمة زوقتيها
ما كانت طالعة من القلب
طلقتيها بالزربة
و جمعتيها
و انت ما على
بال
ولا...أنا...
انا.... لِكَنسال
ماشي حاجة كتيرة
غير عمر ضاع معاك
زربان..
ؤ شحال...ؤ شحال.
يوسف بايو.
ليست هناك تعليقات:
إرسال تعليق