.. زجلية اللسان......
اسمع مزيان
ولغى لكلام يا بني الإنسان
سد الفم ويلع اللسان.
لا تتبقاش غيييير داوي
بلا ميزان..
كون علام الخيل.
وسط السربة مقامك عالي.
راه كثرة الغى طيح ليك الشان
دير عقلك و أفهم
و للناس لا تشتم.
تولي معيوف وسط الجماعة. و سيرتك مندوغة في كل فم.
ادخل سوق راسك
واحد النهار تندم
واااا اربط لسانك
و بقنبة غليضة ليه .احزم.
اذكر الله يا يابنادم
و على عرضك احشم..
حال فمك كيف المهبول.
غير جي يا فم و گول .
الناس كلها و معدنو.
فيهم القزدير و النحاس
والنقرة و حتى الذهب .
راه كلشي عليك محسوب.
لا تگول اللسان ما فيه اعظم..
راه من الجنة يخرجك
و في الزوبية يرميك
وتبقى حاصل تم.
دير عقلك يا الغافل.
و الصغير قبل لكبير احترم.
راه الدنيا فانية
و ما بقى فيها مايعجب..
خلخال فاطمة..
ليست هناك تعليقات:
إرسال تعليق