الصبر مفتاح الفراج .
!!!! !!!! !!!! !!!
غير عرفوه اخوى جيبو
بدا يظهر ليهم عيبو
و يبالغوا ويزيدوا فيه
ما يستحياوا ؛ يكذبو
البهتان يتقنوا لعبو
يقولوا اللي فيه وما فيه
اتأزم و آشنو ذنبو ؟!
الزمان اهجم عليه غلبو
مع الزلط ؛ تحاماوا عليه
اخوى جيبو عليه اتقلبو
زادوا لجراح لقلبو
اوجاعها اللي يكابد تكفيه
عاد كلامو مخيبو !!!
يدوي يقمعوه يزربو
يبقى ساكت أحسن ليه
كلامو امساس فيه مارغبو
يملاح كون عامر جيبو
احسن لو ما يتلفظ بيه
ظلم لعباد يا مصعبو !!!
يحطم الشخص يعطبو
داه ما لقى من يداويه
و يبقاوا زايدين ف عيبو
يربحوا يفوزوا ويكسبو
بالتخفيف من امعاصيه
وخا صار خاوي جيبو
ؤ عاد منفي ، الله حسبو
اوكيلو يعتمد عليه
صبرو فراج لكربو
اتشع الأنوار ف دربو
ربي بالفضل يآتيه
اللي اتوسل ليه و طلبو
و اتظلم ليه و رغبو
ما يردو يستجب ليه .
<><<><><><><>
بقلم :
عبدالرحمن ذكي.
ليست هناك تعليقات:
إرسال تعليق